കടുത്തുരുത്തി: കോട്ടയം കടുത്തുരുത്തിയില്‍ യുവാവിനെ കൊലപ്പെടുത്താൻ ശ്രമിച്ച കേസില്‍ രണ്ടുപേരെ പൊലീസ് അറസ്റ്റ് ചെയ്തു.കടുത്തുരുത്തി സ്വദേശികളായ അജി, സത്യൻ എന്നിവരെയാണ് അറസ്റ്റ് ചെയ്തത്. കഴിഞ്ഞദിവസം രാത്രി 9 മണിക്കാണ് കേസിനാസ്പദമായ സംഭവം നടന്നത്. പ്രതികളും യുവാവിന്‍റെ ബന്ധുവും തമ്മില്‍ ഉണ്ടായ വഴക്ക് അവസാനിപ്പിക്കാൻ ഇടപെട്ടതിന്റെ വിരോധത്തിലാണ് അജിയും, സത്യനും ചേര്‍ന്ന് യുവാവിനെ മര്‍ദ്ദിക്കുകയും, കരിങ്കല്ലുകൊണ്ട് തലക്കടിക്കുകയും ചെയ്തത്. ഇരുവര്‍ക്കുമെതിരെ കടുത്തുരുത്തി സ്റ്റേഷനില്‍ ക്രിമിനല്‍ കേസ് നിലവിലുണ്ട്.
