പാലാ : ഭരണങ്ങാനത്ത് ഫ്ലാറ്റിന് മുകളില്‍നിന്ന് വീണ് യുവാവ് മരിച്ചു. മൂവാറ്റുപുഴ കോതമംഗലം സ്വദേശി അമ്പാടി സന്തോഷാണ് മരിച്ചത്.തിങ്കള്‍ പുലർച്ചെ 12.30നായിരുന്നു സംഭവം.ഭരണങ്ങാനം മേരിഗിരി ജംഗ്ഷനിലെ സ്വകാര്യ ഫ്ലാറ്റില്‍ സുഹൃത്തുക്കള്‍ക്കൊപ്പം മുറിയെടുത്ത സന്തോഷ് മുകള്‍ നിലയിലെ ബാല്‍ക്കണിയില്‍നിന്ന് കാല്‍വഴുതി വീഴുകയായിരുന്നു. വിവാഹ ചടങ്ങില്‍ പങ്കെടുക്കുന്നതിനായി എത്തിയതായിരുന്നു അഞ്ചംഗ സംഘം. ഇവർ മദ്യ ലഹരിയിലായിരുന്നുവെന്നാണ് വിവരം.
