കോഴിക്കോട്: ഉള്ള്യേരിയില്‍ തെരുവുനായ്‌ക്കളുടെ ആക്രമണത്തില്‍ 12 പേര്‍ക്ക് പരിക്ക്. തെരുവുനായ്‌ക്കളുടെ കടിയേറ്റ 12 പേര്‍ ചികിത്സയിലാണ്.ഗുരുതരമായി പരിക്കേറ്റ മനാത്താനത്ത് മീത്തല്‍ സുജീഷിനെ കോഴിക്കോട് മെഡിക്കല്‍കോളജ് ആശുപത്രിയില്‍ പ്രവേശിപ്പിച്ചിരിക്കുകയാണ്. മറ്റുള്ളവര്‍ കൊയിലാണ്ടി താലൂക്ക് ആശുപത്രിയില്‍ ചികിത്സ തേടി. ബസ് കാത്തുനില്‍ക്കുന്ന വിദ്യാര്‍ഥികള്‍ക്ക് നേരെ നായ ചാടിവീണെങ്കിലും കുട്ടികള്‍ ഓടി രക്ഷപ്പെടുകയായിരുന്നു.
