കോട്ടയം: മലയാള സിനിമയിലെ നിത്യ ഹരിത നായകൻ പ്രേം നസീറിന്റെ 97-ാം ജൻമദിനം പ്രമാണിച്ച് പ്രേം നസീർ സുഹൃത് സമിതി നിത്യ ഹരിതം 97 ചടങ്ങും പുരസ്ക്കാര സമർപ്പണവും കോട്ടയം ദർശന ആഡിറ്റോറിയത്തിൽ സംഘടിപ്പിച്ചു. ചടങ്ങ് ഉൽഘാടനം ചെയ്ത സഹകരണ വകുപ്പ് മന്ത്രി വി.എൻ. വാസവൻ ഒട്ടേറെ ജീവകാരുണ്യ പ്രവർത്തനങ്ങൾ നടത്തിവരുന്ന പത്തനംതിട്ട ഓമല്ലൂർ സാന്ത്വനം ചാരിറ്റി ഡയറക്ടർ എസ്. സീനത്തിന് പ്രേം നസീർ കർമ്മ ശ്രേയസ് പുരസ്ക്കാരവും , ഗവ: ചീഫ് വിപ്പ് ഡോ:എൻ. ജയരാജ് പ്രശസ്തി പത്രവും സമർപ്പിച്ചു. മോൻ സ് ജോസഫ് എം.എൽ.എ.അദ്ധ്യക്ഷത വഹിച്ചു.
