പാലക്കാട് :നിപ ബാധിച്ച പാലക്കാട് പെരിന്തല്മണ്ണ സ്വദേശിയുടെ നില ഗുരുതരമായി തുടരുന്നു.യുവതിയെ പെരിന്തല്മണ്ണ സ്വകാര്യ ആശുപത്രിയില്നിന്ന് കോഴിക്കോട് മെഡിക്കല് കോളേജിലേക്ക് മാറ്റിയിരുന്നു.സംസ്ഥാനത്ത് നിപ സമ്പര്ക്കപ്പട്ടികയില് നിലവില് ആകെ 383 പേര് ഉള്ളതായി ആരോഗ്യ വകുപ്പ് മന്ത്രി വീണ ജോര്ജ് അറിയിച്ചു.മലപ്പുറം ജില്ലയില് നിപ ബാധിച്ച വ്യക്തിയുടെ സമ്പര്ക്ക പട്ടികയിലുള്ള 241 പേര് നിരീക്ഷണത്തില് തുടരുകയാണ്.പാലക്കാട് ജില്ലയില് നിപ സ്ഥിരീകരിച്ച രോഗിയുടെ സമ്പര്ക്കപ്പട്ടികയിലുള്ള 142 പേര് നിരീക്ഷണത്തിലാണ്.ആകെ സമ്പര്ക്ക പട്ടികയിലുള്ളവരില് 94 പേര് കോഴിക്കോട് ജില്ലയിലും, 2 പേര് എറണാകുളം ജില്ലയിലുമാണ് നിരീക്ഷണത്തിലുളളതെന്ന് മന്ത്രി പറഞ്ഞു.മലപ്പുറത്ത് 12 പേരാണ് ചികിത്സയിലുള്ളത്. 5 പേര് ഐസിയു ചികിത്സയിലുണ്ട്. പാലക്കാട് 4 പേര് ഐസൊലേഷനിലാണ്.
