തിരുവനന്തപുരം: സംസ്ഥാനത്ത് പത്താം ക്ലാസ് പൊതുപരീക്ഷകള് മാർച്ച് അഞ്ചിന് ആരംഭിക്കും. വിദ്യാഭ്യാസ വകുപ്പ് മന്ത്രി വി.ശിവൻകുട്ടിയാണ് ഇക്കാര്യം അറിയിച്ചത്. എസ്എസ്എല്സി, ടിഎച്ച്എസ്എല്സി, എഎച്ച്എസ്എല്സി തുടങ്ങിയ പരീക്ഷകളുടെ വിജ്ഞാപനം മുതല് ഫലപ്രഖ്യാപനം വരെയുള്ള സമയക്രമങ്ങള് പരീക്ഷാഭവനാണ് തീരുമാനിച്ചത്. പരീക്ഷാഫലം മേയ് എട്ടിന് പ്രസിദ്ധീകരിക്കും.മാർച്ച് അഞ്ചിന് ആരംഭിക്കുന്ന എസ്എസ്എല്സി പരീക്ഷ 30-ന് അവസാനിക്കും. എസ്എസ്എല്സി ഐടി പരീക്ഷ ഫെബ്രുവരി രണ്ട് മുതല് ഫെബ്രുവരി 13 വരെ നടക്കും. മോഡല് പരീക്ഷ ഫെബ്രുവരി 16 മുതല് 20 വരെയാണ് നിശ്ചയിച്ചിട്ടുള്ളത്.പരീക്ഷയ്ക്ക് ശേഷമുള്ള ടാബുലേഷൻ നടപടികള് ഏപ്രില് ഏഴ് മുതല് 25 വരെ നടക്കും.
