എന്ഡിഎയുടെ നിയമസഭാ തെരഞ്ഞെടുപ്പ് പരിപാടികള്ക്ക് ഔദ്യോഗികമായി തുടക്കമിടാന് പ്രധാനമന്ത്രി നരേന്ദ്രമോദി ഇന്ന് കൊച്ചിയിലെത്തും.രാവിലെ 11.30 ന് നെടുമ്പാശ്ശേരിയില് എത്തുന്ന പ്രധാനമന്ത്രി നേവല് ബേസില് എത്തി റോഡ് മാര്ഗം ആദ്യ പരിപാടിക്ക് എത്തും. മറൈന്ഡ്രൈവില് ധീവരസഭയുടെ ഗോള്ഡന് ജൂബിലി ആഘോഷമാണ് മോദിയുടെ ആദ്യ പരിപാടി.12 ന് കലൂര് സ്റ്റേഡിയത്തില് റോഡ് ഷോ നടക്കും. 12.30 ന് കേന്ദ്രസര്ക്കാരിന്റെ ഔദ്യോഗിക പരിപാടിയില് പ്രധാനമന്ത്രി പങ്കെടുക്കും ഇതില് പതിനായിരം കോടിയുടെ വികസന പദ്ധതികളുടെ ഉദ്ഘാടനം നിര്വഹിക്കും. അതിനുശേഷം, ഒരു മണിയോടുകൂടി കലൂര് സ്റ്റേഡിയത്തിലെ രണ്ടാമത്തെ വേദിയില് എന്ഡിഎ കേരളം തിരഞ്ഞെടുപ്പ് റാലി അദ്ദേഹം ഉദ്ഘാടനം ചെയ്യും. തിരഞ്ഞെടുപ്പ് കണ്വെന്ഷനോടു കൂടി എന്ഡിഎയുടെ നിയമസഭാ തെരഞ്ഞെടുപ്പിന്റെ ഔദ്യോഗിക പ്രചരണങ്ങള്ക്കും തുടക്കമാകും2.30ന് പ്രധാനമന്ത്രി തമിഴ്നാട്ടിലെ തിരുച്ചിറപ്പള്ളിയിലേക്ക് പോകും. കേരളത്തിലെ പരിപാടികള്ക്ക് ശേഷം വൈകീട്ട് തിരുച്ചിറപ്പള്ളിയില് എത്തുന്ന മോദി, 5:45ന് വിവിധ വികസന പദ്ധതികളുടെ ഉദ്ഘടനവും ശിലാസ്ഥപനവും നിര്വഹിക്കും. ആകെ 5650 കോടി രൂപയുടെതാണ് പദ്ധതികള്.
