ഹൈദരാബാദ്: സ്കൂളിലേക്ക് പോകുന്നതിനിടെ ഹൃദയാഘാതം മൂലം പത്താം ക്ലാസുകാരി മരിച്ചു. തെലുങ്കാനയിലെ കാമാറെഡി ജില്ലയിലെ സിംഗരായപള്ളി ഗ്രാമത്തിലുള്ള ശ്രീനിധി(16) ആണ് മരിച്ചത്.വ്യാഴാഴ്ച രാവിലെയാണ് സംഭവം. സ്കുളിലേക്ക് പോകുന്നതിനിടെ പെണ്‍കുട്ടിക്ക് നെഞ്ച് വേദനയുണ്ടാവുകയും തുടർന്ന് കുഴഞ്ഞ് വീഴുകയുമായിരുന്നു. ഇത് ശ്രദ്ധയില്‍പ്പെട്ട ടീച്ചർമാർ ഉടനെ കുട്ടിയെ ആശുപത്രിയില്‍ എത്തിച്ചു. ഇവിടെവച്ച്‌ സിപിആർ ഉള്‍പ്പടെ നല്‍കിയെങ്കിലും വിദഗ്ധ ചികിത്സയ്ക്കായി മറ്റൊരു ആശുപത്രിയിലേക്ക് മാറ്റാൻ നിർദേശിച്ചു.
