തിരുവനന്തപുരം:
റോൾ ബോളിന്റെ ചരിത്രത്തിൽ ഇന്ത്യയ്ക്ക് അഭിമാനമായി ആദ്യ ലോകകപ്പ് ജയം. കെനിയയിലെ നൈറോബിയിൽ നടന്ന ആദ്യ ജൂനിയർ റോൾ ബോൾ വേൾഡ് കപ്പിൽ ഇന്ത്യ ഒന്നാം സ്ഥാനം നേടി. ലോകമെമ്പാടുമുള്ള 42 ടീമുകൾ പങ്കെടുത്ത കായികമാമാങ്കത്തിൽ ഇന്ത്യയാണ് ആവേശജയം സ്വന്തമാക്കിയത്.
ഇതിന്റെ ഗൗരവം കൂട്ടുന്നത്, വിജയടീമിന്റെ ഭാഗമായത് ഒരു മലയാളി വിദ്യാർത്ഥിയുമാണ് എന്നതാണ്. തിരുവനന്തപുരം ലയോളാ സ്കൂളിലെ പത്താം ക്ലാസ് വിദ്യാർത്ഥിയായ ഗൗരവ് ഉണ്ണികൃഷ്ണൻ ഇന്ത്യൻ ടീമിന്റെ നേതൃനിരയിലെ താരമായിരുന്നു. മത്സരത്തിൽ മികച്ച പ്രകടനം കാഴ്ചവെച്ച ഗൗരവ്, ഇന്ത്യയുടെ വിജയം ഉറപ്പാക്കുന്നതിൽ നിർണായക പങ്ക് വഹിച്ചു.
ലോകകപ്പിന്റെ തുടക്കംമുതൽ മികച്ച കളിയോടെ മുന്നേറികൊണ്ടിരുന്ന ഇന്ത്യൻ ടീം ഫൈനലിൽ ശക്തരായ എതിരാളികളെ തോൽപ്പിച്ചാണ് കിരീടം കരസ്ഥമാക്കിയത്. ടീം വിജയത്തിൽ മലയാളി പ്രതിനിധിയുടെ പങ്കാളിത്തം കേരളത്തിനും അഭിമാനമാണ്.
ഇന്ത്യക്ക് വേണ്ടി ആദ്യമായി നേടിയ റോൾ ബോൾ ലോക കിരീടവും അതിൽ ഗൗരവിന്റെ പങ്കും കായിക ചരിത്രത്തിൽ ഒരടയാളമായി നിറയും.
മെഡിക്കൽ കോളേജ് സർജൻ ഡോക്ടർ ഉണ്ണികൃഷ്ണന്റെ മകൻ ആണ് ഗൗരവ്.
