സംസ്ഥാനത്ത് പകല് സമയത്തെ താപനിലയില് ഗണ്യമായ വര്ധന രേഖപ്പെടുത്തുന്നുണ്ടെന്ന് കാലാവസ്ഥ വകുപ്പ്. സാധാരണയെക്കാള് 4 ഡിഗ്രി സെല്ഷ്യസ് വരെ താപനില ഉയര്ന്നിട്ടുണ്ട്.വരും ദിവസങ്ങളിലും വരണ്ട അന്തരീക്ഷാവസ്ഥ തുടരുമെന്നും കാലാവസ്ഥ വകുപ്പ് മുന്നറിയിപ്പ് നല്കി. ഇതോടെ സംസ്ഥാനത്ത് പകല് താപനില 34 മുതല് 37 ഡിഗ്രി സെല്ഷ്യസ് വരെ ഉയരാന് സാധ്യതയുണ്ട്.ഉയര്ന്ന ചൂട് തുടരുന്ന സാഹചര്യത്തില് പൊതുജനങ്ങള് അതീവ ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി അറിയിച്ചു. പകല് 11 മണി മുതല് മൂന്ന് മണി വരെ നേരിട്ട് ശരീരത്തില് കൂടുതല് സമയം സൂര്യപ്രകാശം ഏല്ക്കുന്നത് ഒഴിവാക്കണമെന്ന് നിര്ദ്ദേശമുണ്ട്.
