തിരുവനന്തപുരം: സംസ്ഥാനത്ത് വേനല്ച്ചൂട് റെക്കോർഡ് നിലയിലേക്ക്. ഉയർന്ന താപനില കണക്കിലെടുത്ത് വോട്ടെടുപ്പ് ദിനമായ വ്യാഴാഴ്ച വരെ എട്ട് ജില്ലകളില് കേന്ദ്ര കാലാവസ്ഥാ വകുപ്പ് യെല്ലോ അലർട്ട് പ്രഖ്യാപിച്ചു.സാധാരണയേക്കാള് 2 മുതല് 3 ഡിഗ്രി സെല്ഷ്യസ് വരെ ചൂട് വർധിക്കാനിടയുള്ളതിനാല് സൂര്യാഘാതം ഉള്പ്പെടെയുള്ള ആരോഗ്യപ്രശ്നങ്ങള്ക്കെതിരെ ജാഗ്രത പാലിക്കണമെന്ന് സംസ്ഥാന ദുരന്തനിവാരണ അതോറിറ്റി മുന്നറിയിപ്പ് നല്കി.
