പാലക്കാട്: മണ്ണാർക്കാട് ഉണ്ടായ വാഹനാപകടത്തില് യുവാവ് മരിച്ചു. തെങ്കര സ്വദേശിയായ സല്മാനുല് ഫാരിസ് (19) ആണ് മരിച്ചത്.ഇന്ന് രാവിലെ ഏഴുമണിയോടെയായിരുന്നു അപകടം.ഇരുചക്രവാഹനത്തിന്റെ പിന്നിലിരുന്ന് യാത്ര ചെയ്യുന്നതിനിടെയാണ് സല്മാനുല് ഫാരിസിന് അപകടമുണ്ടായത്. ആദിദേവ് (20) ആണ് വാഹനം ഓടിച്ചിരുന്നത്. ഓവർടേക്ക് ചെയ്യുന്നതിനിടെ എതിർദിശയില് വന്ന ബസ് മറ്റൊരു വാഹനത്തെ മറികടക്കാൻ ശ്രമിക്കുന്നത് ശ്രദ്ധയില്പ്പെട്ടതോടെ ഇരുചക്രവാഹനത്തിന്റെ നിയന്ത്രണം നഷ്ടപ്പെടുകയായിരുന്നുവെന്നാണ് പ്രാഥമിക വിവരം.അപകടത്തില് ഗുരുതരമായി പരിക്കേറ്റ സല്മാനുല് ഫാരിസിനെ ഉടൻ മണ്ണാർക്കാട് താലൂക്ക് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
